btntvmedia@gmail.com
હાપુડ, ઉત્તર પ્રદેશ:
ઉત્તર પ્રદેશના હાપુડ જિલ્લામાં આવેલ છિજારસી ટોલ પ્લાઝાનો એક વીડિયો હાલમાં સોશિયલ મીડિયામાં ઝડપથી વાયરલ થઈ રહ્યો છે. ગાઝિયાબાદ તરફથી કારમાં આવી રહેલી એક મહિલા ટોલ બૂથમાં ઘૂસી ગઈ અને ત્યાં હાજર કર્મચારીને માર મારવાની ઘટના સર્જાઈ.
સીસીટીવી ફૂટેજ મુજબ, આ મહિલા ટોલ બૂથમાં પ્રવેશી અને માત્ર 4 સેકન્ડમાં કર્મચારીને સતત 7 થપ્પડ ઝીંકી દીધા હતા. ઘટનાની સમયરેખા પ્રમાણે, આ ઘટના 13 એપ્રિલની સવારે અંદાજે 8:22 વાગ્યે ઘટી હોવાનું જણાઈ રહ્યું છે.
વીડિયો ક્લિપ સોશિયલ મીડિયામાં આવતા જ યુઝર્સ તરફથી ભારે પ્રતિસાદ મળી રહ્યો છે. ઘણા લોકોએ મહિલાના વર્તન પર આક્રોશ વ્યક્ત કર્યો છે અને કાર્યવાહી કરવાની માગ ઉઠાવી છે.
